Чэргі фураў на ўезд у Беларусь дасягаюць нават 20 кіламетраў
Чэргі паўсталі з гвалтоўнага зніжэнне прапускной здольнасці беларускай мытні.
Ілюстрацыйнае фота news.transinfo.by
Прыкладна 42 гадзіны павінны чакаць на ўезд на тэрыторыю Беларусі кіроўцы грузавікоў на пераходзе ў Баброўніках.
У два разы менш часу зойме праезд праз пераход у Кузніцы-Беластоцкай.
Прэсавы сакратар польскай паліцыі Томаш Крупа заявіў, што чэргі на ўезд у Беларусь дасягаюць больш за 20 кіламетраў. Паліцыя стварыла адмысловыя буферныя зоны перад памежнымі пераходамі, каб фуры не блакавалі дарожнага руху:
— Буферныя зоны павінны не дапусціць блакаванне памежных вёсак Саколка і Вавілы, якія знаходзяцца на дарозе да памежнага пераходу Баброўнікі.
Чэргі паўсталі з гвалтоўнага зніжэнне прапускной здольнасці беларускай мытні. Беларускі бок тлумачыць гэта аварыяй камп'ютарнай сістэмы.