Беларускі транзіт «Газпрому» непатрэбны?

«Газпром» зноў не стаў браніраваць дадатковыя магутнасці газаправода «Ямал — Еўропа», які ідзе праз тэрыторыю Беларусі, для транзіту газу, вынікае з даных платформы GSA Platform.

«Газпром» не браніруе дадатковыя магутнасці па газаправодзе ўжо шосты дзень запар. З 17 снежня кампанія скарачала аб'ём браніравання, а з 21-га перастала заказваць іх, перадае АФН.

Крыніцы Bloomberg паведамілі, што скарачэнне паставак звязанае не з коштавым маніпуляваннем, а з лімітам еўрапейскіх контрагентаў. Буйныя пакупнікі газу Uniper SE і нямецкая энергетычная кампанія RWE AG, якіх апытала агенцтва, пацвердзілі, што «Газпром» выканаў усе кантракты.

Як патлумачыў афіцыйны прадстаўнік кампаніі Сяргей Купрыянаў, Расія гатовая пастаўляць дадатковыя аб'ёмы газу ў Еўропу ў рамках актыўных доўгатэрміновых кантрактаў коштамі ніжэйшымі за спотавыя.

Ён сказаў, што Францыя і Германія пасля вычарпання запасаў не падавалі заявак на дадатковую пастаўку.