У Расіі здалі на металалом ракету С-200, а яна выбухнула

У пункце прыёму металалому у Чыце прагрымеў выбух, двое загінула, адзін паранены, піша Meduza са спасылкай на СК РФ.

Паводле папярэдніх дадзеных СК, выбух адбыўся, калі супрацоўнікі пункту паспрабавалі распілаваць снарад. На месцы інцыдэнту выяўленыя дзве баявыя часткі ракетнага комплексу С-200 «Ангара».
Адзін з боепрыпасаў уяўляе небяспеку, яго трэба будзе эвакуяваць і нейтралізаваць адмыслоўцам Мінабароны. Пагрозы выбуху другой баявой часткі ЗРК С-200 няма, бо боепрыпас знаходзіцца ў «спячым рэжыме».
Па факце выбуху ўзбуджаная крымінальная справа па ч.1 арт. 221.1 КК РФ (незаконнае набыццё і захоўванне выбуховых рэчываў), а таксама ч. 3 арт. 143 КК РФ (парушнне правілаў аховы працы, якое прывяло да гібелі двух чалавек).