СМІ: Расія перакідае ў Крым дадатковыя войскі

У раёне Керчы-Феадосіі ў 19:00 серады пачалося прыбыццё расійскай ваеннай тэхнікі паромным шляхам.



Пра гэта паведамляе журналіст Мустафа Найем са спасылкай на ўласную крыніцу, піша hromadske.tv.

Гэтую інфармацыю пацвярджае нардэп Аляксандр Брыгінец.

"Гэтую інфармацыю пацвердзілі і актывісты ўкраінскай справы і Незалежных прафсаюзаў Украіны. Не здзіўлюся, калі ўжо праз суткі гэтая тэхніка будзе паміж Крымскай і Херсонскай абласцямі", — напісаў ён у Twitter.

Як вядома, у Кіеве заяўлялі, што ў Крыме ўжо знаходзяцца значна больш за 25 тысяч расійскіх вайскоўцаў — ліміт, усталяваны двухбаковымі пагадненнямі. Акрамя таго, па дадзеных выведкі NАТO, на ўсходняй мяжы Украіны таксама засяроджана да 40 тысяч вайскоўцаў РФ, у тым ліку танкі, артылерыя і авіяцыя.

Паводле www.pravda.com.ua