Польшча ўводзіць платныя дазволы на працу

Працоўны перыяд цяпер, са студзеня 2018 года, не можа перавышаць дзевяць месяцаў на працягу каляндарнага года.

Дырэктар павятовага ўпраўлення працы ў горадзе Груец Мазавецкага ваяводства Мажанна Скочек паведаміла, што са студзеня 2018 года ў Польшчы набудуць моц новыя правілы працаўладкавання іншаземцаў, згодна з якімі заявы палякаў пра намер даручыць працу іншаземцу будуць замененыя платнымі дазволамі на сезонныя працы.

 Адзначаецца, што перыяд выканання працы не можа перавышаць дзевяць месяцаў на працягу каляндарнага года, і яго лічаць ад даты ўезду іншаземца ў Польшчу. Аплата за дазвол складзе 30 злотых.

Працэдура дазволаў на сезонную працу будзе дзейнічаць у такіх галінах, як земляробства, садоўніцтва, турызм, гастраномія.

Дырэктар ваяводскага ўпраўлення працы ў Варшаве Томаш Серадз паказаў, што мэтай укаранення новых правілаў з'яўляецца адаптацыя дзяржаўных нормаў да заканадаўства ЕС.

Ён таксама дадаў, што на падставе заявы аб намеры даручыць працу іншаземцу не было вядома, на каго і на якіх умовах працаваў у Польшчы грамадзянін іншай дзяржавы. Гэта абцяжарвала праверку з боку памежнікаў і Дзяржаўнай інспекцыі працы.

Паводле telegraf.by