У Беларусі заблакавалі два сайты для перапіскі з палітвязнямі
У Беларусі абмежаваны доступ да сайтаў vkletochku.org і politzek.me. Адпаведную пастанову вынес пракурор Мінска, паведамляе прэс-служба Генпракуратуры.
Гэтыя два сайта былі створаны для перапіскі з палітвязнямі. Карыстальнікі могуць выбраць палітвязня са спісу, прачытаць пра яго інтарэсы і адправіць яму ліст праз сайт, піша REFORM.by.
На гэтых сайтах таксама можна было пасябраваць з палітычнымі зняволенымі.
Блакіроўка сайтаў у Беларусі звычайна лёгка абыходзіцца з дапамогай VPN.
