Запрашаем на канферэнцыю “Паўстанне 1863 году і яго значэнне для Беларусі”

З нагоды 150-годдзя ад пачатку паўстання 1863 года, і 175-годдзя з дня нараджэння Кастуся Каліноўскага Аргкамітэт па святкаванні Дня Волі запрашае на канферэнцыю “Паўстанне 1863 году і яго значэнне для Беларусі”.



Улічваючы шматлікія спробы прарасійскіх ідэолагаў і гісторыкаў ачарніць паўстанне і выкрасліць асобу Кастуся Каліноўскага з беларускай нацыянальнай гісторыі, надзвычай актуальным становіцца ўшанаванне памяці паўстанцаў. Неабходна годна адзначыць юбілейную дату паўстання як важнага кроку да станаўлення беларускай нацыі і незалежнасці Беларусі.

Мэта канферэнцыі — асвятленне паўстання 1863 году: аналіз яго вынікаў і значэння для народа Беларусі.

Плануюцца выступленні лектараў з дакладамі:

Астапенка А. “Кастусь Каліноўскі: чалавек і герой”.

Запрудскі І. “Зшальмаваны Кастусь Каліноўскі”.

Кіштымаў А. “Першая рэйкавая вайна”.

Лаўрэш Л. “Пасля паўстання”.

Мельнікаў І. “Польскае” паўстанне з беларускім характарам”.

Тарас А. “Действия повстанцев в Северо-Западном крае”.

Хільмановіч Ул. “Паўстанне 1863 г.: стэрэатыпы”.

Шулаеў А. “Вексеалогія паўстання”.

Валахановіч А. “Паўстанне Каліноўскага на Койданаўшчыне”.

Ильин А. “Кобринская шляхта в восстании”.

Лыч Л. “Уплыў паўстання на культуру Беларусі”.

Цітоў В. “Каліноўскі як ідэолаг паўстання”.

Шалькевіч В. “Каліноўскі як стваральнік ідэалогіі паўстання”.

Бачышча Ю. “Кастусь Каліноўскі ў друкаванай спадчыне”

На пачатку канферэнцыі адбудзецца прэзентацыя выдадзенага зборніка дакладаў.

Канферэнцыя пройдзе ў Мінску 23 сакавіка 2013 года аб 11.00 у сядзібе БНФ па адрасе вул. Чарнышэўскага, 3.  

Аргкамітэт па святкаванні Дня Волі