Брытанец ператварыў вулічныя графіці ў GIF
Брытанец INSA, які зарэкамендаваў сябе ў жанры GIFіці, прадставіў сваю новую працу. Дынамічны стрыт-арт з чарапамі і каляровымі сэрцамі быў створаны мастаком у Парыжы. Праца атрымала назву “C’est la vie”, што ў перакладзе з французскай азначае “гэта жыццё”.
У прадстаўленым анімаваным выглядзе працу INSA можна ўбачыць толькі на дысплеях. Свае GIFіці мастак стварае шляхам шматразовай змены і фатаграфавання розных стадый стварэння графіці ў фізічным свеце. Атрыманыя здымкі аўтар злучае на камп’ютары, атрымліваючы ў выніку гіпнатычныя GIF-малюнкі.
Самая папулярная праца INSA — GIFіці Hollywood Doom, створанае мастаком разам з дызайнерам Стэнлі Донвудам. Выява была прымеркаваная да выхаду альбома AMOK супергурта Тома Ёрка Atoms For Peace.
