Івонка Сурвіла атрымала медаль каралевы Элізабэт ІІ
Узнагарода прэзідэнту Рады БНР была ўручаная на невялікай цырымоніі ў Канадскім парламенце.
Медаль Брыльянтавага юбілею Каралевы Элізабэт II — дзяржаўная ўзнагарода, заснаваная ў 2012 годзе з нагоды святкавання 60-годдзя ўзыходу на трон каралевы Вялікабрытаніі, перадае “Радыё Свабода”.
“Я маю гонар прадставіць гэтую адзнаку камусьці, хто зрабіў так шмат, каб пасеяць насенне дэмакратыі ў Беларусі, — сказала сенатарка Райнэл Андрэйчук на цырымоніі ўганаравання. — Дэмакратыя не прыйдзе заўтра ў Беларусь, але яна прыйдзе, і ўнёсак спадарыні Сурвілы вельмі важны ў гэтым працэсе”.
