У Магілёве прайшоў адзіночны пікет супраць расійскай авіябазы
Жыхар Магілёва Мікалай Гладышаў пікетаваў Магілёўскі гарвыканкам у знак пратэсту супраць размяшчэння расійскай авіябазы ў Беларусі.
Ён трымаў плакат «Не — расійскім авіябазам на зямлі Беларусі».
Такім чынам ён вырашыў выказаць сваю нязгоду з планамі ўладаў размясціць у краіне расійскую авіябазу. Ён сказаў, што пасля развалу Савецкага Саюза ўсе расійскія авіябазы былі выведзены з краін Усходняй Еўропы і надыдзе час, калі гэтыя базы выведуць з беларускай тэрыторыі.
Мікалай Гладышаў з'яўляецца прыхільнікам Аб’яднанай грамадзянскай партыі.
Затым супрацоўнікі міліцыі забралі сп. Гладышава ў пастарунак, а плакат знялі.
Пікет працягваўся больш за гадзіну.