Парадоксы статыстыкі. За суткі ў Беларусі ўсяго 699 новых выпадкаў COVID-19

За суткі ў Беларусі зарэгістраваныя 699 новых пацыентаў з COVID-19. Пры гэтым зроблена ўсяго 6522 тэсты.

Як паведаміла Міністэрства аховы здароўя, паводле стану на 2 лютага з пачатку эпідэміі ў краіне былі зарэгістраваныя 249994 выпадкі каронавірусу, а праведзена 4,488 млн тэстаў, піша REFORM.by.

За дзень выпісалі 662 чалавекі, а ацалелымі Міністэрства аховы здароўя лічыць 237178 пацыентаў.

За суткі памерлі дзевяць чалавек з выяўленай каронавіруснай інфекцыі. Усяго ж пандэмія забрала ўжо 1737 жыццяў.