Пайшоў з жыцця апошні вязень Гарадзенскага гета
Рыгор Хасід памёр 4 студзеня ў Гродне ва ўзросце 87 год. Ён заставаўся апошнім жывым вязнем Гарадзенскага гета і цудам ацалелым сведкам вынішчэння гарадзенскіх габрэяў.
Рыгор Хасід у часе Другой сусветнай вайны страціў усю сям’ю: ягоныя бацька, маці, сястра загінулі.
Сам ён здолеў уратавацца, скокнуўшы з цягніка, які вёз больш за 2 тысячы габрэеў у лагер смерці.
Пасля гэтага хаваўся ў лясах, далучыўся да габрэйскага партызантскага атрада братоў Бельскіх. Пасля вайны жыў у Гродне, усё жыццё працаваў настаўнікам.
Успаміны Рыгора Хасіда былі запісаныя шматлікімі журналістамі. Для гарадзенцаў ён быў чалавекам-легендай.
Пахаванне адбудзецца сёння на старых габрэйскіх могілках Гродна.
Здымак belsat.eu