Мінздароўя Беларусі абвясціла пра 581 новы выпадак COVID-19 за суткі

У Беларусі за суткі выяўлены 581 новы выпадак COVID-19, паведамляе прэс-служба Міністэрства аховы здароўя. У цэлым з пачатку пандэміі ўжо пацверджана 448335 выпадкаў інфекцыі.

Выпісаныя за дзень 419 пацыентаў. Ачунялымі афіцыйна лічацца 442380 пацыентаў, піша REFORM.by.

За суткі памерлі яшчэ 11 чалавек з каронавіруснай інфекцыяй. Міністэрства аховы здароўя афіцыйна паведамляе пра 3483 памерлых за ўвесь час пандэміі.

У краіне зрабілі 7,33 млн тэстаў, з якіх 6588 — за апошнія суткі.