Кнігі Дашкевіча, Севярынца і Аліневіча прэтэндуюць на прэмію Аляхновіча

Грамадства

Радыё Свабода і ПЭН-Цэнтр назвалі намінантаў на прэмію імя Францішка Аляхновіча.



9d87a069489f64950d5506595641a422_xl.jpg

Гэтая прэмія, заснаваная сёлета Беларускім ПЭН-Цэнтрам і Радыё Свабода, прызначаецца за лепшы твор, напісаны ў зьняволеньні.

Спіс намінантаў поводле Радыё Свабода:

1. Ігар Аліневіч

Еду в Магадан. — «Радикальная теория и практика», 2013.

2. Сяргей Аўчыньнікаў

Путешествие [апавяданьне] (рукапіс).

Нарадзіўся ў 1985 годзе. Скончыў Маскоўскі сацыяльны ўніверсітэт. Затрыманы 27 чэрвеня 2010 года, да нядаўняга часу ўтрымліваўся ў СІЗО № 1. Цяпер знаходзіцца ў турме № 8 г. Жодзіна.

3. Юрый Бандажэўскі

Турма і здароўе: Парады прафесара мэдыцыны. — Радыё Свабодная Еўропа / Радыё Свабода, 2013.

4. Алесь Бяляцкі

Асвечаныя беларушчынай. — Менск, 2012.

«Дзяды» былі з намі: З нагоды 25-годдзя першага масавага мітынгу ў Беларусі. — «Дзеяслоў», № 66.

5. Зміцер Дашкевіч

Гумавы тапак (рукапіс).

Чарвяк [аповесьць]. — «Наша ніва», № 26 ад 17.07.2013 — № 31 ад 21.08.2013. 

6. Дзмітрый Карпіцкі

Поостынь, смирись, покайся Богу: Поэтическая исповедь из темницы (рукапіс).

Нарадзіўся 21 лютага 1974 года. Скончыў БНТУ. У 2006 годзе асуджаны на 12 гадоў пазбаўлення волі. Знаходзіцца ў папраўчай калоніі №3, Віцебская вобласць.

7. Алесь Кіркевіч

Вясна. Анталія. Вялікдзень: Філязофія турэмнага дворыка. — «Дзеяслоў», № 53, 2011. 

Няскончаная Адысея: Беларуская турма для пачынаючых (рукапіс).

8. Сяржук Клачкоў

Турэмны дзённік (рукапіс).

9. Анатоль Лябедзька

108 дзён і начэй у засьценках КДБ: Дзёньнік палітычнага закладніка Анатоля Лябедзькі (рукапіс). — Радыё Свабода.

10. Павел Севярынец

Беларуская глыбіня. — «Наша ніва», № 33 ад 07.09.2011 — № 39 ад 23.10.2013.

11. Аляксандр Францкевіч

Абдымі мяне мацней [апавяданне].

12. Ірына Халіп

Дневник зечки (рукапіс, рыхтуецца да друку).
  

У склад журы літаратурнага конкурсу ўвайшлі перакладчык Лявон Баршчэўскі, дырэктар беларускай «Свабоды» Аляксандар Лукашук, паэт і былы палітвязень Уладзімер Някляеў, карэспандэнтка «Свабоды» Ганна Соўсь, літаратуразнаўца і былы палітвязень Аляксандар Фядута.

Вынікі конкурсу будуць абвешчаныя 10 сьнежня, у міжнародны Дзень правоў чалавека.
  

Арганізатары плануюць уручаць прэмію імя Францішка Аляхновіча, пакуль сітуацыя ў краіне будзе даваць для гэтага падставы, але маюць спадзеў, што яна як найхутчэй страціць сваю актуальнасьць.