Бел-чырвона-белы сьцяг на Шуманаўскім парадзе
У Шуманаўскім парадзе прынялі ўдзел беларусы. У цэнтры Варшавы залуналі бел-чырвона-белыя сцягі. Шуманаўскі парад арганізуецца штогод прыхільнікамі Еўрасаюза. Парад ладзіцца з 1999 года Польскім фондам імя Роберта Шумана
У цэнтры Варшавы прайшоў Шуманаўскі парад, які стаў завяршальным і галоўным пунктам ХХ Польскіх еўрапейскіх сустрэч. Каляровы, вясёлы, з музыкай, танцамі і песнямі, парад ужо 14 разоў прайшоў вуліцамі польскай сталіцы. Арганізатары адзначаюць,што гэта беспрэцэдэнтная падзея ў Еўропе, поўная неспадзяванак і спантаннасці.
Удзельнікі завяршылі свой марш каля Шуманаўскага мястэчка, дзе адбыўся вулічны фэст, які папулярызуе ідэю аб’яднанай Еўропы ў цэнтры Варшавы. У больш як 30 намётах арганізаваныя конкурсы, мастацкія выступы, сустрэчы з экспертамі, у гэтым з еўрадэпутатамі.
Традыцыйна ў мерапрыемстве ўдзел прынялі беларусы.
А. Міхнавец адзначае: “Мы прыйшлі паказаць, што Беларусь таксама еўрапейская краіна. Геаграфічна мы знаходзімся ў Еўропе, але фактычна беларусы да яе не належаць. Мы хочам, каб наш голас пачулі, нас пабачылі і праблема Беларусі не забывалася. Каб Еўропа памятала, што ёсць краіна, якая змагаецца за сваю незалежнасць і дэмакратыю. Каб мы не засталіся адны. Без дапамогі, без салідарнасці мы нічога не зможам зробіць”.
