БХД сабрала больш за 4200 подпісаў за вызваленне ксяндза Лазара
Аргкамітэт "Беларускай хрысціянскай дэмакратыі" сабраў ужо звыш за 4200 подпісаў пад зваротам за вызваленне арыштаванага ксяндза Уладзіслава Лазара.
![lazar_3_1.jpg lazar_3_1.jpg](/img/v1/news/full/lazar_3_1.jpg?f=f&h=396&o=0&u=1715395350&w=528)
Па стане на 12:50 27 жніўня 3054 подпісы сабраныя праз інтэрнэт і больш за 1150 подпісаў на падпісных аркушах каля касцёлаў. Зборшчыкі БХД адзначаюць, што большасць ксяндзоў не забараняе распаўсюд петыцыі і не перашкаджае парафіянам падпісвацца.
БХД плануе праводзіць збор подпісаў за ксяндза Лазара да ягонага вызвалення і заклікае ўсіх каталіцкіх вернікаў і неабыякавых людзей далучацца да кампаніі "Свабоду ксяндзу Лазару!".
Нагадаем Уладзіслаў Лазар быў затрыманы КДБ 31 траўня — амаль тры месяцы таму. У чым ён абвінавачваецца, невядома дагэтуль.