Дэфіцыт бюджэту Беларусі за 2 месяцы дасягнуў 1,3 млрд. рублёў

Дэфіцыт рэспубліканскага бюджэту Беларусі за студзень-люты 2021 года дасягнуў велічыні ў 1,3 млрд.рублёў.

Даходы рэспубліканскага бюджэту склалі 3,8 млрд. рублёў, або 16,3% удакладненага гадавога плана, выдаткі склалі 5,1 млрд. рублёў, або 17,7% — паведаміў Мінфін РБ. Такім чынам, дэфіцыт бюджэту Беларусі за справаздачны перыяд дасягнуў 1,3 млрд. рублёў, піша АФН.

Даходы бюджэту сектара дзяржаўнага кіравання за студзень-люты 2021 года склаліся ў суме 8,47 млрд. рублёў, або 15,7% ўдакладненага гадавога плана.

Паступленне ПДВ склала 2,6 млрд. рублёў, або 19,1% ўдакладненага гадавога плана. Падатку на прыбытак паступіла 30 млн. рублёў, або 0,9% ўдакладненага гадавога плана. Акцызы паступілі ў суме 0,5 млрд. рублёў, або 17,6% ўдакладненага гадавога плана. Даходы ад знешнеэканамічнай дзейнасці склалі 0,7 млрд. рублёў, або 18,6% ўдакладненага гадавога плана.

Па стане на 1 сакавіка 2021 года запазычанасць па падатках і зборах склала 157,6 млн. рублёў.

Выдаткі бюджэту сектара дзяржаўнага кіравання за студзень-люты 2021 года склалі 9,84 млрд. рублёў, або 16,6% ўдакладненага гадавога плана.

Паступленні ў Фонд сацыяльнай абароны насельніцтва склалі 3,24 млрд. рублёў, або 16,9% зацверджанага гадавога плана, выдаткі — 3,19 млрд. рублёў, або 17% зацверджанага гадавога плана.

Прафіцыт бюджэту Фонду сацыяльнай абароны насельніцтва склаў 0,05 млрд. рублёў.

Нагадаем, што першапачаткова бюджэт 2021 года планаваўся з дэфіцытам у 4 млрд. рублёў. Потым дэфіцыт бюджэту быў скарэктаваны — павялічаны да 5,6 млрд. рублёў. Калі дэфіцыт і далей будзе расці такімі ж тэмпамі, то бюджэт давядзецца карэктаваць яшчэ не адзін раз.