Аляксей Навальны назваў дату «Усерасійскай забастоўкі выбаршчыкаў»

«Усерасійская забастоўка выбаршчыкаў», да правядзення якой заклікаў палітык Аляксей Навальны, намечана на 28 студзеня. 

"Канчаткова зразумела, што Пуціну і Крамлю патрэбна толькі яўка. Свае 70% яны ўжо атрымалі — гэта ім ясна з элементарнага аналізу лінейкі кандыдатаў, якіх яны самі адабралі", гаворыцца на сайце Навальнага.
Ісці на выбары зараз - гэта вырашаць праблемы Пуціна. Дапамагчы яму ператварыць перапрызначэння ў падабенства выбараў. Больш у гэтым няма ніякага сэнсу.
Палітык таксама заклікаў падаваць заяўкі на правядзенне шэсцяў і мітынгаў 28 студзеня ўжо зараз, каб потым чыноўнікі не змаглі адмовіць на той падставе, што плошча занята.
Аляксей Навальны не быў дапушчаны да рэгістрацыі ў якасці кандыдата на прэзідэнцкіх выбарах 2018 года. Цэнтральная выбарчая камісія адмовілася рэгістраваць ініцыятыўную групу Навальнага на падставе таго, што ў яго маецца непагашаная судзімасць. Сам Навальны, выступаючы перад сябрамі выбарчай камісіі, заявіў, што рашэнне Цэнтрвыбаркама парушае Канстытуцыю.
Выбары прэзідэнта Расіі прызначаныя на 18 сакавіка 2018 года. Прэзідэнцкі тэрмін у РФ — шэсць гадоў.