Бібліятэкары Kamunikat.org просяць ацаніць іх працу

Віртуальная бібліятэка Kamunikat.org звярнулася да сваіх чытачоў з просьбай ацаніць яе працу.

Наведнікам Беларускай Інтэрнэт-Бібліятэкі Kamunikat.org прапануецца запоўніць анкету. Яна патрэбная, каб ацаніць працу бібліятэкараў і змест сайту.
Вашы адказы дапамогуць акрэсліць напрамкі развіцця Беларускай Інтэрнэт-Бібліятэкі Kamunikat.org. "Дзякуючы запоўненым анкетам мы больш паспяхова будзем развіваць бібліятэку і хутчэй выйдзем насустрач вашым патрэбам", — кажуць бібліятэкары.
Анкета абсалютна ананімная, а сабраныя такім шляхам даныя будуць выкарыстоўвацца выключна для ўнутранага аналізу.
Падобнае апытанне ўжо ладзілася чатыры гады таму. Параўнанне адказаў дазволіць ацаніць, ці ў добрым кірунку развіваецца бібліятэка.
Дарэчы, на сайце Kamunikat.org захоўваюцца больш за 600 нумароў НЧ, нават самыя першыя, з 2002 года. Пагартайце віртуальныя падшыўкі, там шмат цікавага!