Змітра Дашкевіча затрымалі ў Курапатах

Сёння, 15 снежня, на месцы Курапацкай вахты затрымалі Змітра Дашкевіча.

Пра затрыманне Змітра паведаміла ў фэйсбуку яго жонка, Наста Дашкевіч.
Наста Дашкевіч распавяла "Медыязоне", што затрыманне адбылося каля 17:20 на месцы Курапацкай вахты. Разам з ім затрымалі яшчэ аднаго чалавека.

Незадоўга да затрымання Зміцер выклаў фотаздымак з Курапацкай вахты і напісаў: «Беларусь выстаяла ў савецкіх канцлагерах, перамагла нацыскія канцлагеры, то адолеем мы і канцлагеры лукашэнак-карпянковых. Жыве Беларусь!»