У Харкаве на марш ультрас за адзінства Украіны напалі прарасейскія актывісты: ёсць цяжка параненыя (відэа + фотарэпартаж)

Удзельнікі шэсця за адзіную Ўкраіну, сярод якіх былі фаны «Металіста» і «Дняпра», пабіліся з прарасейскімі актывістамі. Восем чалавек пацярпелі, у тым ліку два міліцыянеры.



Гэта адбылося недалёка ад стадыёна «Металіст». Калона людзей з украінскай сімволікай амаль падышла да стадыёна, але неўзабаве спынілася на скрыжаванні вуліц Кірава і Плеханаўская. Праз некаторы час некалькі дзясяткаў чалавек-удзельнікі шэсця — пайшлі назад, паведамляе Цензор.НЕТ са спасылкай на «МедиаПорт».
 

Да іх паступіла інфармацыя аб тым, што за імі ідзе калона прарасейскі настроеных грамадзян. Неўзабаве паміж прарасейскімі актывістамі і ўдзельнікамі шэсця адбылася сутычка.

"Міліцыя выстраілася, не даючы ультрас прайсці далей па вуліцы, дзе стаяць сепаратысты. З размовы міліцыянтаў можна зразумець, што ў кагосьці з сепаратыстаў было агнястрэльная зброя", — адзначаюць актывісты.

"Ультрас разбілі машыну з сімволікай сепаратыстаў". У прамой трансляцыі было відаць пабіты аўтамабіль. Гэтая машына сёння днём ездзіла па горадзе з расейскім сцягам.