Польшча пачынае будаўніцтва плота на мяжы з Беларуссю

Будаўніцтва загароды на беларуска-польскай мяжы пачнецца ў аўторак, 25 студзеня. Пра гэта паведаміла журналістам прэс-сакратар галоўнага камэнданта польскай Памежнай варты Ганна Міхальска.

«У адпаведнасці з планам 25 студзеня пачынаецца будаўніцтва загароды на мяжы з Беларуссю. Падрыхтоўчыя работы ўжо нейкі час вядуцца», — сказала яна.

Міхальска ўдакладніла, што працы пачнуцца з устаноўкі паль і іх бетанавання, дадаўшы, што паралельна ў Сядліцах вырабляюцца сталёвыя пралёты будучай загароды. Кантракт заключаны на суму 644 млн злотых (каля $ 160 млн). Грошы выдзяляюцца з бюджэту краіны.

Раней кіраўнік МУС Польшчы Марыюш Каміньскі заявіў, што паўнавартасныя загараджальныя збудаванні на мяжы з Беларуссю будуць дабудаваныя ў чэрвені 2022 года. Ён удакладніў, што даўжыня будынка складзе каля 180 кіламетраў, а вышыня сцен будзе не менш за 5,5 метраў.