Фотафакт: Святлана Алексіевіч атрымала Нобелеўскую прэмію

Алексіевіч разам з Нобелеўскай прэміяй атрымае прызавыя — 8 мільёнаў шведскіх крон, ці 953 тысячы долараў.



Фота: Reuters

Беларуская пісьменніца Святлана Алексіевіч атрымала Нобелеўскую прэмію па літаратуры за 2015 год. Урачыстая цырымонія прайшла 10 снежня ў Стакгольме. Прэмію Алексіевіч атрымала з рук караля Швецыі.

Ёй давядзецца заплаціць у Беларусі падатак, верагодна, каля 123 890 долараў, падлічыла Еўрарадыё.

Святлана Алексіевіч нарадзілася ў 1948 годзе. Вядомасць ёй прынёс дэбютны раман "У вайны — не жаночы твар", які з'явіўся ў 1983 годзе. Іншыя вядомыя творы пісьменніцы — "Цынкавыя хлопчыкі" (пра вайну ў Афганістане), "Чарнобыльская малітва" (пра наступствы аварыі на Чарнобыльскай АЭС), "Час сэканд-хэнд".