Фатограф «Новага Часу» Дзмітрый Дзмітрыеў асужданы на 15 сутак

Яго судзілі сёння па абвінавачванні ў супраціве супрацоўнікам міліцыі.

Як паведаміла жонка нашага фотакора Кацярына, «супраціў», нібыта, здарыўся сёння.

Нагадаем, сёння ранкам а 6.40 Дзмітрый паведаміў: «Да мяне прыйшлі». Пазней Кацярына распавяла, што Дзмітрыева звезлі, верагодна, на допыт у Следчы камітэт. Ператрусу ў іх кватэры не было.

Вядома, што супрацоўнікі міліцыі, якія затрымлівалі Дзмітрыева, мелі пры сабе спіс людзей, па якіх сёння павінны прыйсці.