Брэст: суды за «кармленне галубоў» працягнуцца 4 кастрычніка.

У судзе Ленінскага раёна Брэста разглядаліся адміністрацыйныя справы Сяргея Пятрухіна і Канстанціна Астапука, затрыманага 30 верасня. Да суда яны  былі змешчаны ў ізалятар часовага ўтрымання.



Паводле інфармацыі праваабаронцы Уладзіміра Вялічкіна,  у суд іх прывезлі каля 13 гадзін. Усіх, хто чакаў пачатку судовага пасяджэння, паспрабавалі выдаліць з памяшкання, аднак калі праваабаронцы пачалі абурацца, на суд прывялі Астапука.

Ён паведаміў, што яго ў шпіталі біў капітан нейкі капітан, а  начальнік аддзела аховы грамадскага парадку Самасюка праводзіў "прафілактычныя" гутаркі, пагражаў і запалохваў.

Суддзя Аляксандр Семянчук прыняў рашэнне перанесці суд над Астапуком на 4 кастрычніка, паколькі той не бачыў і не чытаў пратаколу, а таму запатрабаваў час на азнаямленне са справай. Суддзя  выпісаў яму позву на 11-30.

Судзяць Сяргея Пятрухіна. На яго складзены пратакол па ч. 3 арт 23.34. КаАП (удзел у несанкцыянаваным масавым мерапрыемстве). Пятрухін заявіў аб недаверы суддзі і запатрабаваў адваката. Разгляд справы перанесены на 4 кастрычніка а 10-30.

Пасля суду Сяргей Пятрухін коратка каментаваў падзеі: "Я быў гатовы да затрымання. У мяне было на майцы напісана "Прэч атруту — не заводу, гаспадарыць тут народу". Калі што са мной здарыцца, гэта будзе на яго сумленні, гэты чалавек здатны на ўсё!"

spring96.org