Беларускі футбаліст ад безграшоўя прадае свае буцы

Ігара Даўгяла з «Нафтана» жыццё прыперла да сценкі.

Футбольны «Нафтан» у апошнія гады — клуб небагаты. І хутчэй нават бедны. Нафта сягоння не ў цане, справы на наваполацкім нафтаперапрацоўчым прадпрыемстве, якое дало клубу назву, а ў лепшыя часы яшчэ давала і грошы, ідуць не вельмі. Гульцы скардзяцца, што ім не плацяць або плацяць, але мала. Некаторыя распавядаюць пра сваё становішча ў роспачы.

І вось яшчэ адно пацверджанне таго, што сітуацыя вельмі кепская. Галкіпер каманды Ігар Даўгяла, які адыграў у сезоне-2016 25 матчаў, выставіў у інтэрнэце на продаж ўласныя буцы. Сваё рашэнне ён матываваў «цяжкім фінансавым становішчам». За гульнявую абутак Adidas — памер uk 9 — футбаліст хоча 50 рублёў. Увогуле, калі ў вас падыходзячая нага і вам патрэбныя буцы, вы можаце зрабіць жыццё аднаго ўдзельніка чэмпіянату Беларусі па футболе ў вышэйшай лізе крышачку лепш.
Паводле by.tribuna.com