«Беларуснафта» шукае ў Расіі сыравіну для газаперапрацоўчага завода

Беларускі газаперапрацоўчы завод, які развівае «Беларуснафта», вымушаны шукаць новых пастаўшчыкоў сыравіны на расійскім рынку. На гэтым тыдні менеджэры кампаніі правялі перамовы ў Санкт-Пецярбургу, піша neft.by.

Беларускі ГЗП здольны перапрацоўваць штогод 235 мільярдаў кубаметраў газу. Беларускія радовішча забяспечваюць больш за 200 мільёнаў кубаметраў спадарожнага нафтавага газу. Астатні аб'ём пастаўляюць расійскія прадпрыемствы.
У Расіі ў 2020 годзе вытворчасць звадкаванага вуглевадароднага газу скарацілася на 4%. А гэта - больш за 1 мільён тон у год. Прычына - зніжэнне паставак сыравіны. Павялічыліся і прэміяльныя ўнутранага рынку. З-за ўводу ў эксплуатацыю магутнасцяў «Запсібнафтахіма» кампаніі «Сібур» расіяне часткова пераарыентавалі сыравінныя патокі з экспарту на выпуск нафтахімічнай прадукцыі ў краіне. Усё гэта стымулюе Беларускі газаперапрацоўчы завод дыверсіфікаваць пастаўкі сыравіны.
Для пошуку патэнцыйных пастаўшчыкоў дэлегацыя «Беларуснафты» правяла перамовы з кіраўніцтвам кампаній «Газпрам газанафтапрадукт холдынг», «Газпрам экспарт», ІМПЭКСНАФТАХІМ.
У «Беларуснафты» у якасці найбольш верагодных разглядаюць схемы пастаўкі і выкарыстання ў вытворчасці БГПЗ сыравіны ад даччыных прадпрыемстваў расійскіх нафтавых кампаній, размешчаных у Сургуце, Татарстане, Астрахані і іншых рэгіёнах.
tut.by