У Італіі арыштавалі яхту расійскага бізнесоўца беларускага паходжання Мельнічэнкі

Італьянская фінансавая паліцыя арыштавала самую вялікую парусную яхту ў свеце коштам 563 млн еўра. Яхта належыць расійскаму прадпрымальніку Андрэю Мельнічэнку, які нарадзіўся ў Гомелі.

Італьянская фінансавая паліцыя наклала арышт у рамках санкцый Еўрасаюза. Судна знаходзілася на захоўванні ў порце Трыест.

Яхта «A» ўваходзіць у спіс самых вялікіх суднаў свету. 142,8-метровая «лодка» са 100-метровай мачтай афіцыйна класіфікуецца як парусная маторная яхта, паколькі спалучае ў сабе элементы і канструкцыі як ветразных, так і маторных яхт. Яе пабудавала кампанія «Дошку» ў 2017 годзе.

Раней паведамлялася, што пасля ўнясення ў санкцыйны спіс Мельнічэнка пакінуў склад акцыянераў «Сібірскай вугальна-энергетычнай кампаніі».

Паводле reform.news.