КНДР. Фольга як перашкода спадарожнікам-шпіёнам ЗША

У акцыі па зборы "стратэгічнага матэрыялу" бяруць удзел нават школьнікі. Яны шукаюць выкінутыя цыгарэтныя пачкі, пры вырабе якіх выкарыстоўваецца фольга

Улады КНДР пачалі кампанію па зборы алюмініевай фольгі для вытворчасці з яе маскіровачных сетак. Пра гэта паведаміла радыё "Свабодная Азія" (RFA).

"Паўночнакарэйскія ўлады заклікаюць грамадзян падтрымаць нацыянальныя ўзброеныя сілы і здаваць фольгу, якую называюць стратэгічным матэрыялам", — адзначае радыё, спасылаючыся на ўласныя крыніцы ў КНДР. Нібыта фольга неабходная для стварэння маскіровачных сетак, якія, па сцвярджэнні адказных асоб, ствараюць перашкоды для амерыканскіх спадарожнікаў-шпіёнаў.

"Сцвярджаецца, што такія сеткі робяць накрытыя імі аб'екты нябачнымі для разведвальных спадарожнікаў ЗША. У прыватнасці, гаворка ідзе пра комплексах супрацьпаветранай абароны", — падкрэслівае RFA.

У акцыі па зборы "стратэгічнага матэрыялу" бяруць удзел нават школьнікі. Яны на вуліцах вядуць пошукі выкінутых цыгарэтных пачкаў, пры вырабе якіх выкарыстоўваецца фольга, адзначае радыёстанцыя.

Паводле ТАСС