Хапун у Маскве. Затрымалі як найменей 12 чалавек на пікетах у падтрымку палітвязняў

У сталіцы Расіі паліцыянты затрымалі не менш за 12 чалавек, якія на Пушкінскай плошчы праводзілі пікеты ў падтрымку палітвязняў.

Пра гэта паведаміў праваабарончы праект «ОВД-Инфо». Апроч патрабавання вызваліць палітвязняў, удзельнікі пікетаў таксама пратэставалі супраць электроннага галасавання на выбарах.

На выбарах у расійскую Дзяржаўную думу ў верасні ў шэрагу рэгіёнаў, у тым ліку ў Маскве, упершыню масава ўжывалі электроннае галасаванне. Прадстаўнікі апазіцыі заявілі пра масавыя фальшаванні падчас гэтага працэсу.
Паводле «Свабоды».