Футбалісты запісалі відэа з асуджэннем гвалту з боку сілавікоў

93 беларускія футбалісты запісалі відэа з асуджэннем гвалту з боку сілавікоў.

Гульцы нацыянальнай і моладзевай зборных, вышэйшай і першай лігаў, замежных чэмпіянатаў асудзілі гвалт у Беларусі.

Футбалісты заявілі, што не могуць маўчаць пасля таго, як бачылі, што адбылося.

— Мы выказваем спачуванні родным тых, хто быў забіты, хочам выказаць словы падтрымкі ўсім тым, хто пацярпеў, быў абражаны, жорстка збіты і скалечаны.

І заклікаем: спыніце гвалт! — гаворыцца ў відэазвароце.

Сярод 93 футбалістаў такія гульцы, як Дзмітрый Бага, Максім Бардачоў, Станіслаў Драгун, Віталь Трубіла, Андрэй Хачатуран.

Паводле «Салідарнасці»