Чатыры гады без любімай пацехі. Куды падзеўся Калядны хакейны турнір Лукашэнкі?
Кіраўнік краіны і прапагандысты, якія працуюць на рэжым, ужо нават і не ўспамінаюць пра Калядны міжнародны турнір аматараў хакея на прыз прэзідэнта Рэспублікі Беларусь, які рэгулярна ўзімку праходзіў у краіне. А колькі раней гучных слоў было пра яго сказана!
Фота з newsbel.by
«Неафіцыйны чэмпіянат свету сярод аматараў» ці турнір для пацехі Лукашэнкі?
Упершыню «Калядны міжнародны турнір аматараў хакея на прыз прэзідэнта Беларусі» правялі ў 2005 годзе. Практычна адразу быў акрэслены яго фармат: у Мінск грашыма заваблівалі ў мінулым вядомых і не вельмі хакеістаў, каб тыя стваралі бачнасць канкурэнцыі камандзе Лукашэнкі, нагадвае UDF.
Пры гэтым сам кіраўнік Беларусі бязбожна парушаў правілы: у ягоную каманду для перамогі прыцягвалі дзейных (!) хакеістаў, а таксама ледзь скончылі кар'еру. Таму часта атрымлівалася, што 38-гадовыя гульцы супрацьстаялі 62-гадовым пенсіянерам.
Пры гэтым усе чальцы каманды Лукашэнкі як маглі гулялі на яго, але нават у такіх умовах палітык даволі рэдка адрозніваўся закінутымі шайбамі.
Лукашэнку было важна не толькі сама па сабе гульня ў хакей, але і шырокае асвятленне турніру. Таму арэны, дзе праходзілі матчы, цалкам запаўняліся – натуральна, па разнарадцы. А дзяржаўныя тэлеканалы спрабавалі прадставіць Калядны турнір мегападзеяй.
Пафас зашкальваў. Па ініцыятыве Лукашэнкі турнір для яго пацехі без якіх-небудзь падстаў называлі «неафіцыйны чэмпіянатам свету сярод аматараў».
Каманда Лукашэнкі не перамагала на турніры толькі тройчы, прайграючы расійцам. Але ў апошнія гады правядзення спаборніцтваў усё было вельмі прадказальна: першапачаткова было зразумела, што пасля правядзення фіналу палітык будзе з радасцю пазіраваць з пацешным залатым медалём.
Апошні Калядны турнір адбыўся напачатку 2020 года. Выдаўся ён для Лукашэнкі вельмі ўдалым. І справа была не ў традыцыйнай перамозе яго паўпрафесійнай каманды над іншымі старымі.
На той турнір удалося прыцягнуць ветэранаў, якія стварылі бачнасць прысутнасці на спаборніцтвах каманд ЗША і Украіны. Гэта значыць «недружалюбных» краін, як сёння кажуць беларускія ўлады.
Акрамя таго, на Калядным турніры выступала дружына Міжнароднай федэрацыі хакея. Яе кіраўнік Рэнэ Фазель нахвальваў арганізацыю спаборніцтваў і выказваў упэўненасць, што Чэмпіянат свету сярод прафесіяналаў у Мінску ў 2021 годзе пройдзе на высокім узроўні.
Глядзіце таксама
Як у Лукашэнкі адабралі пацеху
У пачатку 2021 года Калядны турнір адмянілі. Афіцыйна прычынай называлі пандэмію. Але ўжо было відавочна, што паездка ў Мінск на спаборніцтвы да Лукашэнкі была б зашкварнай. Увесь свет бачыў, як нелегітымны кіраўнік утрымаў уладу ў краіне дзякуючы гвалту і жорсткаму падаўленню мірных пратэстаў.
Тады ж Лукашэнка чакаў новы ўдар: у Мінска адабралі права правядзення чэмпіянату свету ў хакеі ў траўні 2021 года. Акрамя прычын, звязаных з дзеяннямі самога Лукашэнкі, дадаліся выхадкі тагачаснага кіраўніка федэрацыі хакея Дзмітрыя Баскава. Акрамя іншага, ён засвяціўся на месцы захопу і забойства Рамана Бандарэнкі.
Пасля саўдзелу рэжыму Лукашэнкі ў вайсковай агрэсіі супраць Украіны стала відавочна: Калядны турнір канчаткова пахаваны. Такім чынам вялікі сум Лукашэнкі працягваецца, хоць прапагандысты аддаюць перавагу нават не ўспамінаць пра «неафіцыйны чэмпіянат свету», каб не тлумачыць, чаму паездкі ў Мінск сталі для замежнікаў зашкварнымі.
Традыцыю, якую палітык выбудоўваў 15 гадоў, аказалася хімерай. Як, зрэшты, і многае іншае, што ён будаваў дзесяцігоддзямі.
З іншага боку і самаму састарэламу Лукашэнку сёння не да спаборніцтваў. Апошнім часам у палітыка абвастрыліся праблемы са здароўем. На нядаўняй цырымоніі ўручэння прэміі «За духоўнае адраджэнне» ў яго назіраўся трэмар галавы. У такой сітуацыі не да хакея.
Глядзіце таксама
