Зачыстка перад 29: затрыманні, суды, штрафы, суткі (абнаўляецца)
У Мінску працягваюцца суды над удзельнікамі масавых акцый супраць паглыбленай інтэграцыі з Расіяй. 27 снежня запланавана больш за дзясятак судоў.
Леанід Кулакоў, як і Павел Севярынец, правядзе Новы год у ЦІП на Акрэсціна
Усіх судзяць па артыкулы 23.34 КаАП — удзел у несанкцыянаваным масавым мерапрыемстве, паведамляе ПЦ “Вясна”.
Праваабаронцам вядома пра затрыманні актывістаў:
· Алеся Чахольскага (сакратар КХП-БНФ). Інфармацыя ўдакладняецца.
· Сяргея Ціханаўскага (гомельскі блогер). Вязуць у суд Савецкага раёна г. Гомеля.
· Уладзіміра Цыгановіча (блогер MozgON). Затрымалі супрацоўнікі Цэнтральнага РУУС г. Мінска.
Праваабарончы цэнтр "Вясна" маніторыць судовыя працэсы і будзе абнаўляць інфармацыю пра іх вынікі.
Над кім мусяць адбыцца суды 27 снежня?
Суд Першамайскага раёна г. Мінска
Юрась Губарэвіч, складзены пратакол па частцы 1 артыкула 23.34 КаАП, 09.30 (каб.25). Суддзя — Святлана Чараповіч. Вынік — штраф 30 базавых велічынь (765 рублёў).
Мая Навумава, складзены пратакол па частцы 3 артыкула 23.34 КаАП, 09.30. Суддзя — Аляксандр Сяргей. Вынік — 50 базавых штрафу (1275 рублёў).
Леанід Кулакоў, складзены пратакол па частцы 1 артыкула 23.34 КаАП, 09.30. Таксама судовы працэс прызначаны і на 9:45. Суддзя — Ляйкоўская.
Як ён распавёў праваабаронцам, пасля затрымання супрацоўнікі міліцыі завезлі яго ў Партызанскі РУУС, дзе склалі пратакол за ўдзел у акцыі супраць інтэграцыі з Расіяй 20 снежня. Сёння жа чакаецца суд за ўдзел у акцыях 7 і 8 снежня.
Вынік суда за 7 снежня — арышт на 10 сутак. Вынік суда за 8 снежня — 50 базавых штрафу (1275 рублёў)
Акрамя таго, чакаецца суд за акцыю 20-га, пратакол за якую склалі сёння раніцай. Леанід Кулакоў, як і Павел Севярынец, правядзе Новы год у ЦІП на Акрэсціна.
Дзяніс Юркевіч, складзены пратакол па частцы 1 артыкула 23.34 КаАП, 09.30.
Суддзя — Максім Трусевіч. Вынік — штраф 25 базавых велічынь (637,5 рублёў).
Дзяніс Красачка, складзены пратакол па частцы 1 артыкула 23.34 КаАП, 10.00 (каб. 22).
Суддзя — Ганна Ігнацьева. Вынік — штраф 25 базавых велічынь (637,5 рублёў).
Галіна Лагацкая, складзены пратакол па частцы 1 артыкула 23.34 КаАП, 09.30 (каб. 22).
Суддзя — Ганна Ігнацьева. Вынік — штраф 30 базавых велічынь (765 рублёў).
Андрэй Рогаў, складзены пратакол па частцы 1 артыкула 23.34 КаАП, 09.30.
Суддзя — Таццяна Ліннік. Вынік — штраф 30 базавых велічынь (765 рублёў).
Суд Партызанскага раёна Мінска
Пётр Маркелаў, складзены пратакол па частцы 1 артыкула 23.34 КаАП, 09.30.
Суддзя — Неўмяржыцкі Іван. Яго судзяць за ўдзел у акцыі супраць інтэграцыі 7 снежня. Вынік — штраф 30 базавых велічыняў (765 рублёў).
Вячаслаў Сіўчык, складзены пратакол па артыкуле 23.34 КаАП, 09.30 (каб. 4171).
Суддзя — Наталля Дзядкова. Суд перанеслі на нявызначаны тэрмін праз тое, што Сіўчык знаходзіцца за мяжой.
Антось Жылко, складзены пратакол па частцы 1 артыкула 23.34 КаАП, 09.30.
Суддзя — Аляксандр Барысёнак. Вынік — штраф 25 базавых велічынь (637,5 рублёў).
Суд Маскоўскага раёна г. Мінска
Стас Шашок быў атрыманы 26 снежня. Ноч правёў у ІЧУ. Яго вінавацяць ва ўдзеле акцыі 20 снежня (арт. 23.24 КаАП). Суддзя — Таццяна Мотыль.
Вынік — актывіста "Моладзевага блоку" Стаса Шашка асудзілі на 15 сутак.
У суд патрапіла мама Стаса. Яна прынесла яму ежу і цёплыя рэчы. Але супрацоўнік канвоя сказаў: «Тут я вырашаю, што можна, а чаго нельга» і забараніў Стасу ўзяць перадачу, піша тэлеграм-канал Прававая ініцыятыва.
Суд Кастрычніцкага раёна Мінска
Сяргей Спарыш, складзены пратакол па артыкуле 23.34 КаАП, 9:15. Суддзя — Рудэнка.
Верацінскі Г., складзены пратакол па артыкуле 23.34 КаАП, 9:15. Суддзя — Жывіца.
Віталь Трыгубаў, складзены пратакол па артыкуле 23.34 КаАП, 9:15. Суддзя — Лаўрыновіч.