Візавыя цэнтры Літвы аднаўляюць прыём заяў

З 31 мая візавыя цэнтры Літвы аднаўляюць прыём заяў на атрыманне шэнгенскіх візаў тыпу C, паведамляе VFS Global.

Пры падачы неабходны дакумент, які пацвярджае праходжанне вакцынацыі вакцынамі Janssen, Comirnaty, Moderna або Vaxzervia ў адпаведнасці з усталяванымі правіламі правядзення працэдуры.
Гэта можа быць сведчанне пра вакцынацыю адпаведнай дзяржавы або міжнароднае пасведчанне аб вакцынацыі на адной з афіцыйных моў Еўрасаюза.
Аб спыненні прыёму заяў стала вядома 8 кастрычніка мінулага года. У пачатку кастрычніка МЗС Беларусі рэкамендаваў гэтым краінам паменшыць колькасць супрацоўнікаў сваіх пасольстваў у Мінску «з прычыны адназначнай дэструктыўнай дзейнасці з боку названых краін». Беларускі бок запатрабаваў да 9 кастрычніка скараціць колькасць супрацоўнікаў польскага і літоўскага пасольстваў.
reform.by