У Беларусі ўпершыню правялі ўнутрычэраўную карэкцыю прыроджанай заганы развіцця

Левабаковую дыяфрагмальную грыжу ў плода прааперавалі 5 траўня ў тэрміне цяжарнасці жанчыны 26 тыдняў, паведамляе Мінздароўя.

Такое аператыўнае ўмяшанне выконваецца з мэтай лячэння выражанай гіпаплазіі лёгкіх і, як следства, прафілактыкі лёгачнай гіпертэнзіі. Па літаратурных даных частата развіцця лёгачнай гіпертэнзіі ў постнатальным перыядзе дасягае 63% і статыстычна карэлюе са смяротным зыходам у 62-93% выпадкаў. Пры антэнатальным хірургічным лячэнні выжывае каля 70-80% немаўлятаў.
Загана плоду ў пацыенткі Л. была дыягнаставаная падчас прэнатальнага скрынінга другога трыместра. Сям'я катэгарычна адмовілася ад перапынення цяжарнасці па медыка-генетычных паказаннях. У РНПЦ "Маці і дзіця" былі выкананы дадатковыя лабараторныя і інструментальныя даследаванні — магнітна-рэзанансная тамаграфія і ультрагукавое даследаванне. Па даных даследаванняў у грудной клетцы плоду злева размяшчаліся страўнік, петлі кішачніка і доля печані са зрушэннем органаў міжсцення направа. Была вялікая рызыка неспрыяльнага сыходу цяжарнасці.
Перынатальны кансіліум прапанаваў сям'і найскладанейшую аперацыю — фетаскапічную эндатрахеальную балонную аклюзію.
Пасля атрымання інфармаванай згоды на складанае медыцынскае ўмяшанне, аперацыя была паспяхова выканана мультыдысцыплінарнай камандай урачоў-спецыялістаў 5 траўня ў тэрміне цяжарнасці жанчыны 26 тыдняў.
Аперацыю правялі супрацоўнікі РНПЦ «Маці і дзіця» сумесна са спецыялістамі ФДБУ «Нацыянальны медыцынскі даследчы цэнтр акушэрства, гінекалогіі і перынаталогіі ім. акадэміка В.І. Кулакова» Міністэрства аховы здароўя Расіі.