Толькі ў змаганні супраць зла даецца шанс на выратаванне
Сябры Руху салідарнасці «Разам» усклалі кветкі і запалілі знічы каля мемарыяла Яма. Жалобная акцыя прымеркаваная да 75-годдзя знішчэння нацыстамі Мінскага гета.
У лагчыне, што месцілася на рагу цяперашніх вуліц Заслаўская і Мельнікайтэ, у 1942 годзе, падчас адной з аперацый па знішчэнні габрэяў, было расстраляна каля 5 тысяч насельнікаў Мінскага гета.
На акцыю прыйшло каля пятнаццаці чалавек. Перад прысутнымі выступіла сусстаршыня Руху салідарнасці “Разам” Алена Талстая, старшыня Цэнтру ўкраінскай культуры «Січ» Валянціна Логвін.
Паводле выступоўцаў, неабходна памятаць пра гэтыя трагічныя падзеі і прыкладаць намаганні, у тым ліку пастаянна супрацьстаяць таталітарным тэндэнцыям у свеце, каб падобны кашмар ніколі не паўтарыўся. Толькі ў змаганні супраць зла даецца шанс на выратаванне.
