Навагодні ды калядны канцэрт «Белсату»! Святкуйма разам!

Калядныя песні і проста святочныя кампазіцыі — у супольным праекце «Белсату» і tuzin.fm. Не прапусціце!

Прапануем вашай увазе запіс святочнага шоу «Новае пакаленне на Новы год». Гэта канцэртная праграма з маладымі і сталымі выканаўцамі.

Гэты праект — спроба паказаць пэўны зрэз беларускай альтэрнатыўнай сцэны. Калі мы запрашалі ў ім паўдзельнічаць беларускіх музыкаў, мы арыентаваліся найперш не толькі на імёны, але і на актуальнасць творчасці. Хацелі паказаць тых выканаўцаў, якія не частыя госці на дзяржаўных тэле- і радыёканалах, некаторыя з іх яшчэ толькі пачынаюць свой шлях, але маюць талент і харызму.