Міністэрства аховы здароўя абвясціла аб 1922 новых выпадках COVID-19 за суткі

Міністэрства аховы здароўя апублікавала дадзеныя аб захворванні COVID-19 па стане на 23 снежня. За суткі выяўлена 1922 новыя выпадкі каронавірусу.

Усяго ж у краіне ўжо пастаўлены дыягназ 179196 чалавек з пачатку эпідэміі. З бальніц выпісалі 2272 пацыентаў, а з пачатку эпідэміі ачунялі 157079 чалавек, перадае REFORM.by.

Эпідэмія забрала ўжо 1349 жыццяў, у тым ліку восем за суткі.

За мінулыя суткі выканана 24333 тэстаў. Усяго ў краіне праведзена амаль 3,83 млн тэстаў.