Кіраўнік МЗС Польшчы: Беларусь — турбюро для нелегальных мігрантаў

Беларусь ператварылася ў турыстычнае бюро для нелегальных мігрантаў, заявіў міністр замежных спраў Польшчы Збігнеў Раў ў інтэрв’ю «Польскаму агенцтву друку».

«Гэта найчысты бізнес, арганізаваны беларускай дзяржавай, якая выступае ў ролі турыстычнага агенцтва, што арганізуе ўсё — ад пасадкі ў самалёт у розных месцах па ўсім свеце да транспарціроўкі да беларуска-літоўскай мяжы з падказкай, дзе і калі гэтую мяжу можна паспяхова перасекчы. Гэта комплексныя, цынічныя дзеянні», — цытуе Раў АФН.

«Калі працэс прыцягнення мігрантаў, можна сказаць, камерцыйных турыстаў з розных куткоў свету, будзе працягнуты, я думаю, што не толькі Польшча, але і ўсе краіны ЕС пераканаюцца ў неабходнасці ўвядзення дадатковых санкцый супраць Мінска. Гэта арганізаваны напад на агульныя межы ЕС», — дадаў Раў.

Паводле яго слоў, пытанне аб тым, якія гэта могуць быць санкцыі, адкрытае. «Дыскусія па гэтай тэме пачалася. Пакуль ніхто не ставіў пад сумнеў абгрунтаванасць магчымых санкцый», — сказаў на заканчэнне ён.