Беларусь нагандлявала з Кітаем на адмоўнае сальда ў 2 мільярды долараў

У трэцім квартале змяніліся найважнейшыя гандлёвыя партнёры Беларусі. 

Адмоўнае Беларусі сальда ў гандлі таварамі з Кітаем за дзевяць месяцаў склала 1,991 млрд долараў, і гэта другі вынік у выніковым мінусе знешнегандлёвага балансу краіны пасля Расіі, піша «Ежедневник».

Таварны мінус у гандлі з Расіяй у гэты перыяд перавысіў 7,157 мільярда долараў. У цэлым адмоўнае сальда ў гэтым перыядзе склала 3,183 мільярда долараў, гаворыцца ў інфармацыі Белстата.

На працягу трэцяга квартала адбылося змяненне ў топ-10 найважнейшых гандлёвых партнёраў Беларусі. Традыцыйны пастаўшчык тавараў і абсталявання на беларускі рынак Італія была выцесненая Казахстанам. Таксама ў параўнанні з першымі двума кварталамі Кітай выцесніў з трэцяга месца Вялікабрытанію.

Лідарам у гандлі таварамі з Беларуссю застаецца Расія, на якую прыпадае амаль 50% усяго тавараабароту. Другое месца (са станоўчым сальда на карысць Беларусі больш за 2 млрд долараў) утрымлівае Украіна.

Таксама ў першай дзесятцы Германія, Польшча, Нідэрланды, Літва і Турцыя.

Топ-10 важнейшых гандлёвых партнёраў Беларусі па выніках дзевяці месяцаў 2018 года