Знойдзены масавыя пахаванні паблізу вызваленага ад ІДІЛ Сінджара

За апошнія два дні на поўначы Ірака ў раёне горада Сінджар, вызваленага ад ІДІЛ, былі выяўленыя тры масавыя пахаванні курдаў-езідаў. У агульнай складанасці знойдзеныя парэшткі як мінімум 190 чалавек.



Фота © SIA Schulbuch InterActive

У суботу, у прыватнасці, на ўскраіне Сінждара было знойдзена пахаванне 80 немаладых жанчын. Мэр Сінджара і мясцовыя жыхары кажуць, што парэшткі належаць  жанчынам з вёскі Коча: баевікі ІДІЛ аддзялілі іх ад больш маладых у ходзе крывавай разні.

У адным з пахаванняў, знойдзеных у нядзелю, знаходзіліся парэшткі дзясяткаў мужчын, жанчын і дзяцей. З пачатку года ў гэтай раёне знойдзены ўжо 17 масавых пахаванняў.

Сінджар размешчаны ў правінцыі Найнава ў 50 кіламетрах ад мяжы з Сірыяй. Горад быў захоплены тэрарыстычнай групоўкай ІДІЛ у жніўні мінулага года. У мінулую пятніцу Сінджар вызвалілі курдскія ўзброеныя фармаванні "пешмерга" і байцы апалчэння езідаў пры падтрымцы з паветра з боку ЗША.

Горад засяляюць ў асноўным курды-езіды. Пасля захопу экстрэмісты запатрабавалі ад езідаў прыняць іслам або плаціць падатак. З Сінджара і наваколля збеглі 250 тысяч чалавек. Баевікі ІДІЛ забілі сотні мужчын і павялі ў рабства сотні жанчын і дзяўчынак. У палоне дагэтуль застаюцца не менш за дзве тысячы жанчын і дзяўчынак з абшчыны курдаў-езідаў.

Паводле euronews.com