У Францыі пад варту ўзялі падазраванага ў нападзе на Charlie Hebdo

18-гадовы Хамід Мурад, які з'яўляецца адным з трох падазраваных у датычнасці да нападу на рэдакцыю выдання Charlie Hebdo, здаўся паліцыі. Пра гэта паведамляе France-Presse.



Па дадзеных агенцтва, Мурад узяты пад варту ў адным з гарадкоў непадалёк ад Рэймса. Яго называюць саўдзельнікам братоў Шэрыфа і Саіда Куачі, якія 7 студзеня днём уварваліся ў рэдакцыю сатырычнага штотыднёвіка і адкрылі агонь з аўтаматаў. У выніку нападу загінулі 12 чалавек.
У чацвер, 8 студзеня французская паліцыя апублікавала фатаграфіі братоў Куачі. У паведамленні паліцыі гаворыцца аб выдачы ордэраў на арышт 32-гадовага Шэрыфа і 34-гадовага Саіда, якія могуць быць «узброеныя і небяспечныя».