У ЗША ўзмацнілі правілы праверак пры выдачы віз

Адміністрацыя Белага дома выпусціла новую анкету для заяўнікаў на атрыманне візы ў ЗША, у адпаведнасці з якой у людзей могуць запытваць дадзеныя сацсетак за апошнія пяць гадоў і біяграфію за 15 гадоў.

Пра гэта паведамляе Reuters.
"У адпаведнасці з новымі працэдурамі, консульскія службовыя асобы могуць спытаць нумары ўсіх папярэдніх замежных паспартаў, дадзеныя сацыяльных сетак за апошнія пяць гадоў, адрас электроннай пошты і нумары тэлефонаў, а таксама біяграфічную інфармацыю за апошнія 15 гадоў, у тым ліку, адрас, месца працы і гісторыю падарожжаў", — адзначаецца ў паведамленні.
Дадатковую інфармацыю будуць запытваць пры ўмове, па словах прадстаўніка Дзярждэпартамента, калі "неабходна правядзенне больш строгай праверкі ў мэтах нацыянальнай бяспекі".
Анкеты для праверкі патэнцыйных гасцей ЗША ўхваліла 23 траўня Упраўленне па пытаннях менеджменту і бюджэту.
Крытыкі сцвярджаюць, што новыя пытанні будуць празмерна цяжкімі, прывядуць да доўгіх затрымак ў апрацоўцы і будуць перашкаджаць прыезду замежных студэнтаў і навукоўцаў у ЗША.