Шайгу зноў паказалі па тэлевізары. Гэта адбылося пасля допісу Неўзліна пра інфаркт

Агенцтва РІА «Новости» апублікавала запіс фрагмента відэаканферэнцыі, дзе міністр абароны Сяргей Шайгу прадстаўлены на экране ў правым ніжнім куце.

«Шайгу на сённяшняй нарадзе Мішусціна ў Кабінеце міністраў», — такім каментаром суправаджаецца ролік. Шайгу нічога не кажа, запіс змантаваны з двух частак і доўжыцца 12 хвілін.

Публікацыя з'явілася пасля сённяшняй інфармацыі ад былога саўладальніка нафтавай кампаніі ЮКАС Леаніда Неўзліна аб тым, што ў Шайгу нібыта здарыўся шырокі інфаркт. Ніякіх афіцыйных пацверджанняў гэтым чуткам няма.

У папярэдні раз падобнага роду публікацыя ўзнікла пры падобных абставінах. Яна была апублікаваная пасля чутак пра магчымыя праблемы са здароўем Шайгу на фоне яго адсутнасці ў публічнай прасторы.

У сакавіку міністр абароны не з'яўляўся на публіцы 13 дзён. 8 красавіка Шайгу бачылі на пахаванні Жырыноўскага.

Паводле reform.news.