Па справе аб забруджванні нафты чацвёра затрыманых
Чатыры чалавекі затрыманыя па справе аб забруджванні нафты ў трубаправодзе «Дружба»
Фота Аляксандр Саверкін/ТАСС
Пра чатырох затрыманых па справе аб забруджванні нафты ў трубаправодзе «Дружба» заявіў міністр энергетыкі Расіі Аляксандр Новак.
Аляксандр Новак дадаў, што следства выявіла групу кампаній, якая здзяйснялі здачу забруджанай нафты ў трубаправод.
Крымінальная справа па факце забруджвання расследуецца паводе артыкулаў 158, 210 і 215.2 Крымінальнага кодэкса РФ. Затрыманыя змешчаны ў СІЗА, сказаў Новак. Іх імёнаў ён не назваў.
"Па выніках праверкі вызначаны крыніца забруджвання нафты — вузел уліку Лапаціна ў Самарскай вобласці", — перадае словы Аляксандра Новака ТАСС.
Раней афіцыйны прадстаўнік "Транснафты" Ігар Дземін заяўляў, што забруджванне нафты ў трубаправодзе "Дружба" адбылося праз прыватны "Самаратранснефть-терминал", які прымае нафту ад некалькіх малых вытворцаў.
Першы намеснік генеральнага дырэктара кампаніі Антон Тамілаў паведаміў ТАСС, што згаданы тэрмінал быў прададзены кампаніяй у 2017 годзе ТАА "Нефтеперевалка", камерцыйныя адносіны з прадпрыемствам не вядуцца. Дземін пры гэтым адзначаў, што "Транснафта" не была апавешчаная пра продаж.
Мінэнерга чакае, што сітуацыя будзе цалкам нармалізаваная ў другой палове траўня. "Працягваецца актыўная работа па нармалізацыі cітуацыі якасці нафты для нашых партнёраў і спажыўцоў еўрапейскіх", — адзначыў міністр энергетыкі Аляксандр Новак.
Нагадаем, 19 красавіка Беларусь паведаміла пра рэзкае пагаршэнне якасці нафты, якая паступае з Расіі, з-за гэтага прыпыніла экспарт нафтапрадуктаў і перастала прымаць расійскую нафту для транзіту. На Мазырскім НПЗ ад няякаснай расійскай сыравіны сапсавалася дарагое абсталяванне. Страты ад паставак нафты з высокім утрыманнем хлору "Белнафтахім" ацаніў папярэдне ў 100 мільёнаў долараў.
Пазней Беларусь прыпыніла экспарт бензіну і дызельнага паліва ў краіны Балтыі, Польшчу і ва Украіну з-за няякаснай расійскай нафты.
25 красавіка Украіна і Славакія прыпынілі пастаўкі нафты з Расіі.
Праз пэўны час у кампаніі «Транснафта» заявілі, што нафту забрудзілі наўмысна.