На Майдане абвясцілі аб стварэнні Народнага аб'яднання

Замежжа

Апазіцыйныя лідэры са сцэны Еўрамайдану абвясцілі аб стварэнні Народнага аб'яднання «Майдан».



maidan2.jpg

У прыватнасці, экс-міністр унутраных спраў Украіны, лідэр руху «Трэцяя ўкраінская рэспубліка» заклікаў ўкраінцаў з заўтрашняга дня пашырыць тэрыторыю «Майдана Свабоды» на ўсю Украіну.

«Сёння нашы лідэры прапануюць план распаўсюджвання Майдана на Усход, Цэнтр і Поўдзень. Мы павялічваем «тэрыторыю свабоды» з заўтрашняга дня», - сказаў Луцэнка.


Па яго перакананні, адзінае, што можа ўтрымаць прэзідэнта Віктара Януковіча ва ўладзе, - гэта расчараванне людзей, чаго нельга дапусціць.

Луцэнка адзначыў, што яшчэ месяц таму за еўраінтэграцыю выступалі 46 % украінцаў, а зараз, па дадзеных сацыёлагаў , ужо 62 % грамадзян выказваюцца за далучэнне Украіны да Еўрасаюза. Такім чынам, падкрэсліў Луцэнка, за апошні месяц Майдан «захапіў» мільёны ўкраінцаў.


Разам з тым лідэр партыі «Свабода» Алег Цягнібок заклікаў удзельнікаў акцыі, якія будуць ехаць дадому, не адпачываць там, а ствараць у сваіх гарадах, мястэчках, вёсках, на прадпрыемствах ячэйкі гэтага аб'яднання.

«Мы створым такое пекла для ўлады, ім зямля пад нагамі будзе гарэць», - заявіў Цягнібок.


Ён заклікаў людзей не паддавацца на словы правакатараў, якія заклікаюць разыходзіцца. «Разам - да перамогі», - заклікаў Цягнібок.
Лідэр партыі УДАР Віталь Клічко са свайго боку заклікаў мітынгоўцаў не спыняць акцыю і сустракаць Новы год і Каляды на Майдане Незалежнасці.

«Яны думаюць, што мы стамімся, яны думаюць, што мы разыйдземся, яны думаюць, што яшчэ трошкі і ўсё рассмокчацца. Не рассмокчацца», - адзначыў Клічко і дадаў, што ва Украіне неабходна рэалізаваць рэформы. Пры гэтым, паводле яго слоў, рэформы можна правесці толькі змяніўшы ўладу.


Заклікі Клічко стаяць на Майдане на святы мітынгоўцы падтрымалі воклічамі «Так».
На Майдане сабраліся дзесяткі тысяч чалавек.
radiosvoboda.org