Міністэрства аховы здароўя ЗША мае намер дазволіць крыжаваць чалавека з жывёламі

Міністэрства аховы здароўя ЗША ўздымае пытанне аб зняцці забароны на правядзенне некаторых эксперыментаў з чалавечымі клеткамі. Гаворка ідзе пра «скрэшчванне» генетычна чалавека і жывёл. Па меркаванні амерыканскіх медыкаў гэта дазволіць зрабіць сур'ёзны крок у развіцці некаторых абласцей навукі і медыцыны. У прыватнасці, фармакалогіі і транспланталогіі.

У Міністэрстве аховы здароўя ЗША ўдакладняюць, што цалкам забарона здымацца не будзе. У прыватнасці, будуць уведзены строгія абмежаванні на выкарыстанне ствалавых клетак чалавека. Акрамя таго, асаблівая ўвага будзе нададзена пытанню рэпрадуктыўных здольнасцяў такіх гібрыдаў (а дакладней, адсутнасці такой магчымасці).
Пакуль складана сказаць, да чаго прывядуць падобныя эксперыменты. Ва ўсякім выпадку, малаверагодна, што будзе атрыманы «заапарк» супергерояў як у заходніх коміксах, альбо мілыя дзяўчынкі з кацінымі вушкамі як у японскай манге. Тым больш, што гэта пытанне толькі плануецца пачаць абмяркоўваць (да таго ж вялікая верагоднасць таго, што ідэя падобных эксперыментаў будзе асуджаная сусветнай грамадскасцю).
Паводле belnovosti.by