У Астане праходзіць пасяджэнне Вышэйшага Еўразійскага эканамічнага савета

Пасля сустрэчы ў вузкім фармаце да пасяджэння ў пашыраным складзе далучацца кіраўнікі дзяржаў — назіральнікаў: прэзідэнт Арменіі С.Саргсян і прэзідэнт Кыргызстана А.Атамбаеў.



У Акордзе пачалося пасяджэнне Вышэйшага Еўразійскага эканамічнага савета на ўзроўні кіраўнікоў дзяржаў у вузкім фармаце. У пасяджэнні прымаюць удзел кіраўнікі Казахстана Нурсултан Назарбаеў, Расіі — Уладзімір Пуцін і Беларусі — Аляксандр Лукашэнка.

Пасля сустрэчы ў вузкім фармаце да пасяджэння ў пашыраным складзе далучацца кіраўнікі дзяржаў — назіральнікаў: прэзідэнт Арменіі Серж Саргсян і прэзідэнт Кыргызстана Алмазбек Атамбаеў, паведамляе Zakon.kz.

Чакаецца, што акрамя падпісання Дамовы аб стварэнні Еўразійскага эканамічнага саюза ў ходзе перамоў будзе разгледжана пытанне пашырэння еўразійскага інтэграцыйнага працэсу. Плануецца абмеркаванне падрыхтоўкі дагавора аб далучэнні Арменіі да ЕАЭС і разгляд дарожнай карты па далучэнні Кыргызстана да Мытнага саюза.