У Мінску паслы засталіся толькі дзвюх краін ЕС

Амаль усе краіны ЕС, акрамя Аўстры і Італіі адклікалі сваіх паслоў для кансультацый, піша TUT.BY.

Нагадаем, дыпламатычны скандал успыхнуў 2 кастрычніка, калі МЗС Беларусі запатрабавала ля пасольстваў Польшчы і Літвы ў нашай краіне скараціць колькасць дыпламатаў: у літоўскай амбасадзе замест 25 павінна застацца 14 дыпламатаў, у польскай — замест 50 павінна застацца 18. Таксама ў МЗС Беларусі рэкамендавалі адклікаць паслоў Літвы і Польшчы на радзіму для кансультацый.
Кіраўнік МЗС Польшчы пры гэтым заявіў, што "ў каардынацыі з Еўрапейскай службай знешніх сувязяў і краінамі-членамі ЕС прынята сумеснае рашэнне адклікаць для кансультацый некаторых з паслоў, акрэдытаваных у Беларусі". Гэта значыць, гаворка ішла не толькі пра амбасадараў Польшчы і Літвы, але і іншых краін ЕС.
Амбасадар Польшчы Артур Міхальскі і амбасадар Літвы Андрус Пулокас пакінулі Беларусь 5 кастрычніка. 9 кастрычніка МЗС Польшчы выканала і патрабаванне беларускага боку і адклікала 32 польскія дыпламаты.
Паслоў таксама адклікалі Германія, Латвія, Эстонія, Чэхія, Балгарыя, Вялікабрытанія і Румынія. Аб такім жа намеры паведамілі ў Славакіі.
9 кастрычніка кіраўнік МЗС Беларусі Уладзімір Макей па тэлефоне абмеркаваў з Вярхоўным прадстаўніком ЕС па замежных справах і палітыцы бяспекі Жазепам Барэлем перспектывы адносін паміж Беларуссю і ЕС.