Прэзідэнту Беларусі прапанавалі залаты батон за прытулак Януковічу

Экс-прэзідэнт Украіны Віктар Януковіч разглядае магчымасць пераезду з Расіі ў Беларусь.



Пра гэта гаворыцца ў аўдыёзапісы, які апынуўся ў распараджэнні украінскіх СМІ. На запісы чалавек, які прадставіўся народным дэпутатам Віктарам Януковічам-малодшым, гаворыць з чалавекам, голас якога падобны на голас прэзідэнта Беларусі Аляксандра Лукашэнкі. Верагоднасць таго, што Лукашэнка стаў ахвярай пранкера - чалавека, які займаецца розыгрышам вядомых людзей, вельмі высокая.
"Я пра што хацеў пагаварыць. З нагоды таго, што цяпер у бацькі сітуацыя не вельмі добрая, самі разумееце. І ці можна вырашыць пытанне - гэта запасны план - пераехаць да вас на нейкі час, калі такая сітуацыя будзе неабходная?" , - спытаў у ходзе тэлефоннай размовы чалавек, які прадставіўся Януковічам-малодшым.